Восстание в Твери против татар, 1327 г.

В лето 6834 [1327] (…) Безаконный же Шевкал, разоритель христианьскый, поиде в Русь с многыми Татары, прииде на Тверь, и прогна князя великого с двора его, а сам ста на князя великого дворе с многою гордостию; и въздвиже гонение велико над Христианы, насилством, и граблением, и биением и, поруганием. Народи же, грьдостию повсегда оскрьбляеми от поганых, жаловахуся многажды великому князю, дабы их оборонил; онь же, видя озлобление людий своих, не могый оборонити, трьпети им веляше; и сего не трьпяше тверичи, и искаху подобна времени. И бысть в 15 день месяца августа, в полуутра, како торг снимается, некто диакон, тверитим, прозвище ему Дюдко, поведе кобылицу младу и зело тучна пойти на Волзе воды; татарове же видевше, отъяша ю. Диакон же сжаливси, и зело начат въпити, глаголя: «О мужи тверьстии, не выдайте!» И бысть между ими бой; татарове же, надеющеся на самовластие, начаша сечи, и абие стекошася человеци, и смятошася людие, и удариша в колоколы, и сташа вечием, и поворотися весь град, и весь народ том часе събрашася, и бысть в них замятия, и кликнуша тверичи, и начаша избывати татар, где кого застронив, дондеже и самого Шевкала убиша и всех поряду. Не оставиша и вестоноши, разве еже на поли пастуси коневии на суше, и прхватиша лучший жеребци, и скоре бежаша на Москву и оттоле в Орду, и тамо възвестиша кончину Шевкалову.

Вопросы:

  1. Определите, на чьей стороне симпатии летописца? Как вы полагаете, этот документ писался в Москве или в Твери?
  2. Определите причины и повод к восстанию?